"Milan" futbolchisi Luka Modrich jamoa bosh murabbiyi Massimiliano Allegrining talablari haqida gapirdi.
Xorvatiyalik yarim himoyachi ham italiyalik murabbiy kabi yozda klubga kelgandi. Juma kuni 39 yoshli futbolchi "rossonerilar"ga A Seriyadagi ilk g‘alabasini qo‘lga kiritishga yordam berdi va ikkinchi turda "Lechche"ga qarshi o‘yinda (2:0) golli uzatmani amalga oshirdi.
"Allegri mendan maydondagi harakatlarimiz ravon bo‘lishini so‘ramoqda. Shuningdek, murabbiy o‘yinlar davomida jamoadoshlarim bilan doimiy ravishda gaplashib turishimni xohlaydi, chunki bizda yosh futbolchilar ko‘p, ularga ishonch uyg‘otish kerak," - dedi Modrich DAZN bilan suhbatda.













