"Милан" футболчиси Лука Модрич жамоа бош мураббийи Массимилиано Аллегрининг талаблари ҳақида гапирди.
Хорватиялик ярим ҳимоячи ҳам италиялик мураббий каби ёзда клубга келганди. Жума куни 39 ёшли футболчи "россонерилар"га А Сериядаги илк ғалабасини қўлга киритишга ёрдам берди ва иккинчи турда "Лечче"га қарши ўйинда (2:0) голли узатмани амалга оширди.
"Аллегри мендан майдондаги ҳаракатларимиз равон бўлишини сўрамоқда. Шунингдек, мураббий ўйинлар давомида жамоадошларим билан доимий равишда гаплашиб туришимни хоҳлайди, чунки бизда ёш футболчилар кўп, уларга ишонч уйғотиш керак," - деди Модрич DAZN билан суҳбатда.













