Lionel Messi Argentina terma jamoasidagi so‘nggi uy uchrashuvini o‘tkazgan ko‘rinadi. 38 yoshli hujumchi ikkita gol urdi va jamoaga JCH-2026 saralashida Venesuelani mag‘lub etishga yordam berdi - 3:0.
Uchrashuv yakunlangach, Messi argentinalik muxlislar bilan xayrlashib, ta’sirli nutq so‘zladi.
"Juda ko‘p yillar o‘tdi, biz har bir o‘yindan zavqlanardik. Men juda baxtliman. Hammasini mana shunday yakunlashni men doim orzu qilardim. Men bu yerda o‘ynab, juda ko‘p narsalarni boshdan kechirdim. Argentinada muxlislarimiz qarshisida o‘ynash har doim yoqimli. Barselonada meni yaxshi ko‘rishardi, bu yerda ham menga shunday munosabatda bo‘lishlarini orzu qilardim," - deya Messining so‘zlarini keltiradi The Touchline.
