Italiyaning "Milan" klubi yangi a’zosi Kristofer Nkunku klubning o‘zgarishiga izoh berdi. Bungacha 27 yoshli forvard Angliyaning "Chelsi" klubida to‘p surgan.
"Birinchi marta "Milan"ning qiziqishi haqida sport direktori bilan gaplashganimda eshitdim. Bu haqda ko‘p o‘ylab o‘tirmadim, bu yerga kelishim men uchun ayni muddao edi. Raqobatbardosh bo‘lishni va sovrinlar yutishni istayman," - deya Nkunkuning so‘zlarini keltiradi Football Italia.
O‘tgan mavsumda Fransiya terma jamoasi a’zosi klublar miqyosida 48ta o‘yin o‘tkazib, 15ta gol urgan va 5ta golga hammualliflik qilgan. Uning transferi "Milan"ga 37 million yevroga tushgan.
