Gruziya terma jamoasi hujumchisi Xvicha Kvarasxeliya JCH-2026 saralashidan o‘rin olgan Turkiyaga (2:3) qarshi o‘yinga munosabat bildirdi.
"Turkiya - juda kuchli raqib, ammo bugun biz ko‘p xatolarga yo‘l qo‘ydik, boshidanoq e’tiborimizni to‘liq jamlay olmadik va tezkor o‘tkazib yuborilgan gol psixologiyamizga ta’sir qildi. Yagona ijobiy tomoni shundaki, tanaffusdan so‘ng biz juda qattiq kurashdik va o‘yin oxirida hech bo‘lmaganda oradagi farqni bittaga qisqartirish imkoniyatiga ega bo‘ldik. Muxlislarimiz yonimizda bo‘lishdi va bizga energiya berishdi," - deya Xvichaning so‘zlarini keltiradi UEFA matbuot xizmati.
