"Atletiko Madrid" bosh murabbiyi Diyego Simeone jamoaning Ispaniya chempionatidagi muvaffaqiyatsiz startidan so‘ng xulosa chiqarishga shoshilmayapti.

"Matraschilar" turnir jadvalida 17-o‘rinda - uch turdan keyin bor-yo‘g‘i ikki ochkoga ega.

Peshqadam “Real” va “Atletik Bilbao”da 9 ochko bor.

"O‘tgan mavsumda biz "Barselona"dan o‘n ochko ortda qoldik, dekabrga kelib esa birinchi o‘rinda edik. Endi ochkolarimiz oz, tanqidlar adolatli. Eng muhimi o‘z o‘yinimizni topib, o‘zimizni yaxshilash kerak.

Natijalarni oqlamoqchi emasman, chunki ular haqiqatan ham omadsizlik, lekin biz unchalik yomon o‘ynamayapmiz", dedi murabbiy.