"Атлетико Мадрид" бош мураббийи Диего Симеоне жамоанинг Испания чемпионатидаги муваффақиятсиз стартидан сўнг хулоса чиқаришга шошилмаяпти.
"Матрасчилар" турнир жадвалида 17-ўринда - уч турдан кейин бор-йўғи икки очкога эга.
Пешқадам “Реал” ва “Атлетик Бильбао”да 9 очко бор.
"Ўтган мавсумда биз "Барселона"дан ўн очко ортда қолдик, декабрга келиб эса биринчи ўринда эдик. Энди очколаримиз оз, танқидлар адолатли. Энг муҳими ўз ўйинимизни топиб, ўзимизни яхшилаш керак.
Натижаларни оқламоқчи эмасман, чунки улар ҳақиқатан ҳам омадсизлик, лекин биз унчалик ёмон ўйнамаяпмиз", деди мураббий.
