"An-Nasr" hujumchisi Krishtianu Ronaldu Portugaliya futbol ligasidan "Barcha davrlarning eng yaxshi futbolchisi" sovrinini olgani haqida fikr bildirdi.
"Salom! Ushbu mukofot uchun ligaga minnatdorchilik bildirmoqchiman. Men uchun, o‘zingiz tasavvur qilganingizdek, o‘z yurtimda nimadir yutish katta sharaf. Avvalo, ushbu ajoyib sovrinni qo‘lga kiritishimga hissa qo‘shgan butun faoliyatim davomidagi barcha jamoadoshlarimga, shuningdek, bu yo‘lda menga yordam bergan barcha murabbiylarga, yaxshilanib borishimga ko‘maklashgan barchaga minnatdorchilik bildiraman. Xullas, barchaga katta rahmat va marosimni maroqli o‘tkazing!" - dedi Ronaldu Liga Portugal Awards taqdirlash marosimida namoyish etilgan videoda.
