Kataloniyaning "Barselona" klubi sharafini himoya qilayotgan niderlandiyalik Frenki de Yong jarohati sabab Ispaniya chempionatining navbatdagi turida "Valensiya"ga qarshi maydonga tushmaydi. Bu haqda insayder Aleks Pintanel xabar bermoqda.

Manbaning ta’kidlashicha, yarim himoyachi "ko‘k-anorranglilar"ga Yevropa Chempionlar Ligasi umumiy bosqichi 1-turidan o‘rin olgan Angliyaning "Nyukasl" klubiga qarshi o‘yinda yordam berishga tayyor bo‘ladi. Uchrashuv 18 sentyabr kuni bo‘lib o‘tadi.

Eslatib o‘tamiz, de Yong Niderlandiya terma jamoasi yig‘inida jarohat olgan edi.