«Real» yarim himoyachisi Jud Bellingem bu oyning o‘zida maydonga qaytishni xohlamoqda.

Iyul oyi o‘rtalarida angliyalik futbolchi yelkasidan operasiya qildirgan edi – u 2023 yil noyabridan buyon ushbu muammo bilan o‘ynayotgandi. Bellingemning to‘liq tiklanishi 10–12 hafta davom etishi aytilgan.

The Athletic ma’lumoticha, Bellingem shu hafta jamoa bilan qisman mashg‘ulot o‘tkazdi va shu oyda o‘yinga qaytishga umid qilmoqda. Biroq klub ungacha shoshilmasdan, oktyabrgacha kutish tarafdori.

Shuningdek, Eduardo Kamavinga ham 13 sentyabrda «Real Sosyedad»ga qarshi bahsda ishtirok etmaydi. U avgustda oyoq tagi (golenostop) jarohati olgan edi. Ilk rejaga ko‘ra fransuz sentyabrdagi terma jamoa o‘yinlaridan keyin maydonga qaytishi kerak edi, ammo hali umumiy guruh bilan to‘liq mashg‘ulot o‘tkazmadi.

Ushbu o‘yinni Endrik va Ferlan Mendi ham o‘tkazib yuborishadi.