"Nyukasl" bosh murabbiyi Eddi Xau yozgi transfer oynasida "Liverpul"ga ko‘chib o‘tgan hujumchi Aleksandr Isak haqida gapirdi.
"Isak bilan munosabatlarimiz doim yaxshi bo‘lgan. U bilan ishlash menga yoqardi. Umid qilamanki, unga biz bilan ishlash yoqdi. Bu o‘zaro manfaatli edi. Biz unga bugungi kundagi kabi bo‘lishiga yordam berdik, u esa bizga jamoa sifatida yordam berdi. U ish tashlash e’lon qilgan paytda, munosabatlarimiz haqiqatan ham o‘zgardi. Bu bizning munosabatlarimizda burilish nuqtasi bo‘ldi.
Aytishim mumkinki, Aleksga bu yer yoqqan edi. Menimcha, muammo shunda ediki, boshqa klub keldi va uning fikri o‘zgardi. Ammo Aleksning bu yerda baxtsiz ko‘ringan kuni bo‘lmagan," - deya Xauning so‘zlarini keltiradi BBC.
