"Ньюкасл" бош мураббийи Эдди Хау ёзги трансфер ойнасида "Ливерпуль"га кўчиб ўтган ҳужумчи Александр Исак ҳақида гапирди.

"Исак билан муносабатларимиз доим яхши бўлган. У билан ишлаш менга ёқарди. Умид қиламанки, унга биз билан ишлаш ёқди. Бу ўзаро манфаатли эди. Биз унга бугунги кундаги каби бўлишига ёрдам бердик, у эса бизга жамоа сифатида ёрдам берди. У иш ташлаш эълон қилган пайтда, муносабатларимиз ҳақиқатан ҳам ўзгарди. Бу бизнинг муносабатларимизда бурилиш нуқтаси бўлди.

Айтишим мумкинки, Алексга бу ер ёққан эди. Менимча, муаммо шунда эдики, бошқа клуб келди ва унинг фикри ўзгарди. Аммо Алекснинг бу ерда бахтсиз кўринган куни бўлмаган," - дея Хаунинг сўзларини келтиради BBC.