Niderlandiyaning "Ayaks" va Angliyaning "Manchester Siti" klublari sobiq futbolchisi Kiki Musampa Niderlandiyada moliyaviy firibgarlik sodir etib, Niderlandiya byudjetiga 100 ming yevroga yaqin mablag‘ni yetkazmagani uchun hibsga olindi. Tintuv chog‘ida uning uyidan qimmatbaho soatlar kolleksiyasi ham topilgan.
Musampa o‘tgan asrning 90 yillari o‘rtalarida "Ayaks"ning oltin tarkibida o‘ynagan, 1995 yilda klub bilan Chempionlar ligasida g‘olib chiqqan, ammo "Ayaks" yulduzlarning ko‘p qismini sotib yuborganidan keyingina asosiy tarkibga kirishni boshlagan. 1997 yilda u klubni tark etdi va keyinchalik Ispaniyada "Malaga" va "Atletiko"da, Angliyada esa "Manchester Siti"da o‘ynashga muvaffaq bo‘ldi.
