Angliya terma jamoasi va Myunxenning "Bavariya" klubi forvardi Xarri Keyn Germaniya chempionatining joriy mavsumida chempionlik uchun kurash haqida o‘z fikrlari bilan o‘rtoqlashdi.
Bild nashrining "Bavariya"ning qudratini hisobga olgan holda chempionlik poygasi zerikarli bo‘lmaydimi, degan savoliga javob berar ekan, Keyn quyidagilarni aytdi:
«Men bunday deb o‘ylamayman. Agar shunday bo‘lsa, bu bizning sha’nimizga maqtov bo‘ladi. 2 yil oldin Bundesligada g‘olib bo‘lmaganimizda odamlar boshqacha gapirgandi. Dortmund, Leverkuzen, Frankfurt bor. Ular bizga qarshilik ko‘rsatadi».
Ortda qolgan 3 tur yakunlariga ko‘ra, "Bavariya" 9 ochko bilan turnir jadvalida peshqadamlik qilmoqda.
