“Arkadag‘” - “Andijon” (0:0) uchrashuvidan keyinggi matbuot anjumanida mehmonlar bosh murabbiyi Maksim Shatskix hamda o‘yinning eng yaxshi futbolchisi Doniyor Abdumannopov ishtirok etishdi.

Maksim Shatskix: “Hammaga xayrli kech. Avvalo, biz bilan kelib qo‘llab-quvvatlaganliklari uchun muxlislarimizga rahmat aytaman. Menimcha, bu o‘yinni butun Andijon va O‘zbekiston xalqi ham kuzatdi. O‘yinga kelsak, uchrashuvdan so‘ng yigitlarga o‘yin uchun rahmat aytdim. Berilgan ko‘rsatmalarimni bajarishdi, vaziyatlar yarata olishdi, yaxshi harakat qilishdi. Jamoaning o‘yini ko‘rindi. Asosiysi, xohish va iroda namoyish etishdi. Yana bir narsani aytib o‘tay, biz safarda Turkmaniston terma jamoasiga qarshi o‘ynadik, buni unutmaslik kerak. Bugun o‘z hisobimizga dastlabki ochko yozib qo‘ydik va bunga munosib edik”.

Doniyor Abdumannopov: “O‘yin biz o‘ylagandek kechdi. Ko‘rsatmalarni bajardik. Jamoamiz a’zolariga va kelgan barcha muxlislirga rahmat aytaman”.