“Аркадағ” - “Андижон” (0:0) учрашувидан кейингги матбуот анжуманида меҳмонлар бош мураббийи Максим Шацких ҳамда ўйиннинг энг яхши футболчиси Дониёр Абдуманнопов иштирок этишди.

Максим Шацких: “Ҳаммага хайрли кеч. Аввало, биз билан келиб қўллаб-қувватлаганликлари учун мухлисларимизга раҳмат айтаман. Менимча, бу ўйинни бутун Андижон ва Ўзбекистон халқи ҳам кузатди. Ўйинга келсак, учрашувдан сўнг йигитларга ўйин учун раҳмат айтдим. Берилган кўрсатмаларимни бажаришди, вазиятлар ярата олишди, яхши ҳаракат қилишди. Жамоанинг ўйини кўринди. Асосийси, хоҳиш ва ирода намойиш этишди. Яна бир нарсани айтиб ўтай, биз сафарда Туркманистон терма жамоасига қарши ўйнадик, буни унутмаслик керак. Бугун ўз ҳисобимизга дастлабки очко ёзиб қўйдик ва бунга муносиб эдик”.

Дониёр Абдуманнопов: “Ўйин биз ўйлагандек кечди. Кўрсатмаларни бажардик. Жамоамиз аъзоларига ва келган барча мухлислирга раҳмат айтаман”.