"Manchester Yunayted"ning sobiq darvozaboni Peter Shmeyxel yozda ingliz klubini tark etgan hujumchi Rasmus Xyoylund haqida gapirdi.
Eslatib o‘tamiz, hujumchi "Napoli"ga majburiy sotib olish huquqi bilan ijaraga o‘tgan edi.
"Meni hammasidan ham Xyoylund bilan bog‘liq vaziyat xafa qildi. U "MYU"da bir mavsumda 25 tadan gol urishi mumkinligiga chin dildan ishongandim. Muammo unda emas, jamoa o‘yinida edi. Tizim unga to‘g‘ri kelmadi", - deya Shmeyxelning so‘zlarini keltiradi Sky Bet.
Neapolliklar safida Xyoylund A Seriyaning joriy mavsumida bitta o‘yin o‘tkazdi va u yerda debyut golini urdi. Uning jamoasi Italiya chempionati jadvalida to‘qqiz ochko bilan birinchi o‘rinda bormoqda.













