Madridning "Atletiko" klubi yarim himoyachi Konor Gallaxer bilan xayrlashishni istamayapti.

Ingliz ko‘pincha "matraschilar" asosiy tarkibida doimiy joy yo‘qligi sababli vataniga qaytish bilan bog‘lanadi. Shunga qaramay, "Atletiko" qishki transferlar davrida Gallaxerni qo‘ldan chiqarmoqchi emas, deb yozadi Football Insider. Madridliklar 25 yoshli xavbek uchun kamida 50 mln funt (57 mln yevrodan ortiq) taklif qilingan taqdirdagina uni sotish masalasini muhokama qilishga tayyor bo‘ladi.

Konor Gallaxerga asosiy da’vogar sifatida "Tottenxem" ko‘rilmoqda, APLning boshqa vakillari ham unga qiziqish bildirmoqda. O‘tgan yilning avgustida "Atletiko" futbolchini "Chelsi"dan 42 mln yevroga sotib olgandi.