Мадриднинг "Атлетико" клуби ярим ҳимоячи Конор Галлахер билан хайрлашишни истамаяпти.

Инглиз кўпинча "матрасчилар" асосий таркибида доимий жой йўқлиги сабабли ватанига қайтиш билан боғланади. Шунга қарамай, "Атлетико" қишки трансферлар даврида Галлахерни қўлдан чиқармоқчи эмас, деб ёзади Football Insider. Мадридликлар 25 ёшли хавбек учун камида 50 млн фунт (57 млн евродан ортиқ) таклиф қилинган тақдирдагина уни сотиш масаласини муҳокама қилишга тайёр бўлади.

Конор Галлахерга асосий даъвогар сифатида "Тоттенхэм" кўрилмоқда, АПЛнинг бошқа вакиллари ҳам унга қизиқиш билдирмоқда. Ўтган йилнинг августида "Атлетико" футболчини "Челси"дан 42 млн еврога сотиб олганди.