"Bavariya" Bundesliga 4-turida safarda "Xoffenxaym"ni yirik hisobda mag‘lub etdi - 4:1.
O‘yinda xet-trik muallifi bo‘lgan Xarri Keyn uchrashuv haqida o‘z fikrlarini bildirdi.
«Birinchi bo‘limda oson bo‘lmadi. Charchagandek ko‘rindik, ammo tanaffusdan oldin muhim golni urib oldik. Hech kim xatosiz o‘ynamaydi, raqibda har doim imkoniyat bo‘ladi. G‘alaba qozonish - bu ajoyib narsa, ayniqsa, gol urish va jamoaga yordam berish mumkin bo‘lsa», - dedi Keyn intervyuda.
Myunxenliklar 4 o‘yinda 4 g‘alaba qayd etgan holda turnir jadvali peshqadami bo‘lib turibdi.
