Italiyaning "Milan" klubiga yangi qo‘shilgan Adriyen Rabyo yozda "Milan"ga o‘tgan yana bir futbolchi - Luka Modrich bilan o‘zaro munosabatlari haqida gapirdi.
Rabioning so‘zlariga ko‘ra, ular klubning yosh futbolchilariga bebaho tajribani o‘rgatishga muvaffaq bo‘lishadi.
"Luka Modrich bilan tajribamizni yoshlarga o‘rgatishga harakat qilamiz. "Milan" libosi har qanday futbolchi uchun katta ahamiyatga ega. Bizda yaxshi yarim himoya bor, bizda sifatli almashtirishlar qilish imkoniyati bor, bu ham muhim," - deya Rabyoning so‘zlarini keltiradi pianetamilan.it.
Eslatib o‘tamiz, kecha "Milan" "Udineze"ni yirik hisobda mag‘lub etgandi - 3:0. Bu A Seriyaning 4-turi doirasida sodir bo‘ldi.
