"Barselona" futbolchisi Erik Garsiya "Oltin to‘p"ni Usmon Dembele olgani haqida o‘z fikrlarini bildirdi.
"PSJ"ning fransiyalik vingeri ushbu sovrinni 22 sentyabr kuni qabul qilib oldi. "Barselona" sharafini himoya qilayotgan Lamin Yamal ovoz berish natijalariga ko‘ra ikkinchi bo‘ldi.
"Dembele ajoyib mavsum o‘tkazdi, jamoa bilan ko‘plab sovrinlarni qo‘lga kiritdi. U o‘tmishda biz uchun kurashgan, shuning uchun men undan xursandman. Menimcha, reytingdagi o‘rinlar haqiqatni aks ettirmaydi. Menimcha, bunday mavsumdan keyin Pedri va Rafinya yuqoriroqda bo‘lishi kerak. Yamal birinchi bo‘lishi mumkin edi," - deya Garsiyaning so‘zlarini keltiradi ispan OAV.













