"Барселона" футболчиси Эрик Гарсия "Олтин тўп"ни Усмон Дембеле олгани ҳақида ўз фикрларини билдирди.
"ПСЖ"нинг франциялик вингери ушбу совринни 22 сентябрь куни қабул қилиб олди. "Барселона" шарафини ҳимоя қилаётган Ламин Ямал овоз бериш натижаларига кўра иккинчи бўлди.
"Дембеле ажойиб мавсум ўтказди, жамоа билан кўплаб совринларни қўлга киритди. У ўтмишда биз учун курашган, шунинг учун мен ундан хурсандман. Менимча, рейтингдаги ўринлар ҳақиқатни акс эттирмайди. Менимча, бундай мавсумдан кейин Педри ва Рафинья юқорироқда бўлиши керак. Ямал биринчи бўлиши мумкин эди," - дея Гарсиянинг сўзларини келтиради испан ОАВ.
