"Arsenal"ning gollaridan biri muallifi Eberechi Eze Liga kubogi doirasida "Port Veyl" klubiga qarshi o‘yindan so‘ng o‘z hissiyotlari bilan o‘rtoqlashdi.
Uchrashuv 2:0 hisobida yakunlandi. Eze ilk bor londonliklar safida gol urdi.
- Bu juda o‘ziga xos lahza. "Arsenal"da gol urishni uzoq kutdim va birinchi gol - aql bovar qilmaydigan narsa. Bu yerda o‘ynash oson emas, shuning uchun oldinga siljish uchun birinchi bo‘lib gol urish muhim edi. So‘nggi haftalarda zaxiradan maydonga tushgan futbolchilar jamoaga teranlik va yangi energiya qo‘shayotganini ko‘ryapmiz, bu esa bizga juda kerak, - dedi Eze uchrashuvdan so‘ng.
Eze yozgi mavsum oralig‘ida "Kristal Pelas"dan "kanonirlar" safiga ko‘chib o‘tdi.
