"Арсенал"нинг голларидан бири муаллифи Эберечи Эзе Лига кубоги доирасида "Порт Вейл" клубига қарши ўйиндан сўнг ўз ҳиссиётлари билан ўртоқлашди.
Учрашув 2:0 ҳисобида якунланди. Эзе илк бор лондонликлар сафида гол урди.
- Бу жуда ўзига хос лаҳза. "Арсенал"да гол уришни узоқ кутдим ва биринчи гол - ақл бовар қилмайдиган нарса. Бу ерда ўйнаш осон эмас, шунинг учун олдинга силжиш учун биринчи бўлиб гол уриш муҳим эди. Сўнгги ҳафталарда захирадан майдонга тушган футболчилар жамоага теранлик ва янги энергия қўшаётганини кўряпмиз, бу эса бизга жуда керак, - деди Эзе учрашувдан сўнг.
Эзе ёзги мавсум оралиғида "Кристал Пэлас"дан "канонирлар" сафига кўчиб ўтди.
