"Chelsi" himoyachisi Yorrel Xato hozircha Angliyada o‘zini ko‘rsata olmadi. Niderlandiyalik avgust oyi boshida "ko‘klar" safiga Amsterdamning "Ayaks" klubidan deyarli 45 mln yevro evaziga ko‘chib o‘tgandi. Transfer News Live’ning SoccerNews’ga tayanib xabar berishicha, "Chelsi" hozircha 19 yoshli yangi futbolchining o‘yinidan hayratda emas. Agar vaziyat o‘zgarmasa, futbolchi yanvar oyidayoq, qishki transferlar oynasi ochilganda vataniga ijaraga jo‘natilishi mumkin.
Yorrel Xato joriy mavsumda Enso Mareska jamoasining uchta o‘yinida maydonga tushdi. Premyer-liga doirasida futbolchi bor-yo‘g‘i bir marta asosiy tarkibda maydonga tushdi, ammo o‘shanda ham tanaffusda almashtirildi.
