"Bavariya" vingeri Maykl Olise Chempionlar ligasida Kiprning "Pafos" jamoasiga (5:1) qarshi o‘yin qahramonlaridan biri bo‘ldi.
Fransiyalik futbolchi ikki bor assistentlik qildi va bir marta o‘zi gol urdi. O‘yindan so‘ng jurnalistlar "Bavariya" bosh direktori Yan-Kristian Drizendan Olisening kelajakda "Oltin to‘p"ni qo‘lga kiritishi mumkinmi, deb so‘rashdi.
"Men bunga mutlaqo aminman. "Bavariya"ga kelganidan beri Maykl qanday o‘ynagan va rivojlanib ketganini inobatga oladigan bo‘lsak, bu butunlay real istiqbol", - deya Drizenning so‘zlarini keltiradi Sport Bild.













