"Barselona" afsonaviy sobiq futbolchisi va murabbiyi Xavi Ernandes Lamin Yamal haqida o‘z fikrlarini bildirdi.
"Men Lamin Yamalni birinchi marta asosiy jamoaga qo‘shganimda, u bunga tayyorligini darhol ko‘rdim. U na qo‘rqdi, na hayajonlandi — faqat ishonch bilan to‘lgan edi. Bu yoshda qilayotgan ishlarini ko‘rish — ajoyib.
Mashg‘ulotlarda ba’zida o‘zimizdan so‘rardik: "Bugun maydondagi eng yaxshisi kim?" — javob deyarli har doim Lamin bo‘lardi. U Neymar yoki Messida ko‘rgan narsalarni bajara olardi.
Lamin — tanlangan futbolchi. Ammo u haqiqiy dahoga aylanishini faqat o‘zi hal qiladi. Bu uning orzusi va o‘yinga bo‘lgan sevgisiga bog‘liq", - dedi ispaniyalik mutaxassis.
