"Барселона" афсонавий собиқ футболчиси ва мураббийи Хави Эрнандес Ламин Ямал ҳақида ўз фикрларини билдирди.

"Мен Ламин Ямални биринчи марта асосий жамоага қўшганимда, у бунга тайёрлигини дарҳол кўрдим. У на қўрқди, на ҳаяжонланди — фақат ишонч билан тўлган эди. Бу ёшда қилаётган ишларини кўриш — ажойиб.

Машғулотларда баъзида ўзимиздан сўрардик: "Бугун майдондаги энг яхшиси ким?" — жавоб деярли ҳар доим Ламин бўларди. У Неймар ёки Мессида кўрган нарсаларни бажара оларди.

Ламин — танланган футболчи. Аммо у ҳақиқий даҳога айланишини фақат ўзи ҳал қилади. Бу унинг орзуси ва ўйинга бўлган севгисига боғлиқ", - деди испаниялик мутахассис.