"Bavariya"ning 39 yoshli darvozaboni Manuel Noyerning kelajagi haqida yangi ma’lumotlar paydo bo‘ldi.
Avvalroq, Noyer klub bilan 2026 yilning iyunida tugaydigan mehnat shartnomasini uzaytirishi mumkinligi haqida xabarlar tarqalgan edi.
Jurnalist Florian Plettenbergning ta’kidlashicha, Noyer va "Bavariya" o‘rtasidagi muzokaralar dekabr oyida bo‘lib o‘tishi kerak.
Hozircha yakuniy qaror qabul qilinmagan, ammo agar Noyer shartnomani yana uzaytirsa, "Shtutgart"da ijara asosida o‘ynayotgan Aleksandr Nyubelni sotish ehtimoli sezilarli darajada oshadi.
Joriy mavsumda Noyer barcha turnirlarda to‘qqizta o‘yinda maydonga tushib, oltita gol o‘tkazib yubordi va to‘rt marta o‘z darvozasini daxlsiz qoldirishga muvaffaq bo‘ldi.
