Italiya terma jamoasi AQSH, Kanada va Meksikada bo‘lib o‘tadigan 2026 yilgi Jahon chempionati saralashida Estoniya terma jamoasini mag‘lub etdi.
I guruhning Tallinda bo‘lib o‘tgan uchrashuvi mehmonlar foydasiga 3:1 hisobida yakunlandi. G‘oliblar safida Moyze Kin (4-daqiqa), Mateo Retegi (38) va Franchesko Espozito (74) gol urdi. O‘yinning 30-daqiqasida Retegi penaltidan foydalana olmadi. Estoniyaliklardan Rauno Sappinen (76) o‘z hisobiga gol yozdirib qo‘ydi.
Italiya terma jamoasi ochkolari sonini 12 taga yetkazib olgan holda guruh jadvalida ikkinchi o‘rinda bormoqda. Joriy saralashning barcha uchrashuvlarida g‘alaba qozongan norvegiyaliklar (18) peshqadamlik qilmoqda. Uchinchi va beshinchi o‘rinlarni mos ravishda Isroil (9), Estoniya (3) va Moldova (0) terma jamoalari egallagan.
Keyingi turda Italiya terma jamoasi 14 oktyabr kuni Isroil terma jamoasini qabul qiladi, estoniyaliklar esa shu kuni Moldova terma jamoasi bilan o‘ynaydi.
