Италия терма жамоаси АҚШ, Канада ва Мексикада бўлиб ўтадиган 2026 йилги Жаҳон чемпионати саралашида Эстония терма жамоасини мағлуб этди.
I гуруҳнинг Таллинда бўлиб ўтган учрашуви меҳмонлар фойдасига 3:1 ҳисобида якунланди. Ғолиблар сафида Мойзе Кин (4-дақиқа), Матео Ретеги (38) ва Франческо Эспозито (74) гол урди. Ўйиннинг 30-дақиқасида Ретеги пенальтидан фойдалана олмади. Эстонияликлардан Рауно Саппинен (76) ўз ҳисобига гол ёздириб қўйди.
Италия терма жамоаси очколари сонини 12 тага етказиб олган ҳолда гуруҳ жадвалида иккинчи ўринда бормоқда. Жорий саралашнинг барча учрашувларида ғалаба қозонган норвегияликлар (18) пешқадамлик қилмоқда. Учинчи ва бешинчи ўринларни мос равишда Исроил (9), Эстония (3) ва Молдова (0) терма жамоалари эгаллаган.
Кейинги турда Италия терма жамоаси 14 октябрь куни Исроил терма жамоасини қабул қилади, эстонияликлар эса шу куни Молдова терма жамоаси билан ўйнайди.
