«Manchester Yunayted» jamoasi sardori va yarimhimoyachisi Brunu Fernandesh o‘zining yangi pozisiyasi haqida fikr bildirdi.

«Endi yangi, biroz chuqurroq pozisiyada o‘ynab, oldindagi futbolchilarni to‘p bilan ta’minlay olaman. Balki bu har doim golli pas bo‘lmasa ham, ammo chiziqlar orasidagi uzatma bo‘ladi — u orqali jamoadoshlarim hujumlar yaratish imkoniga ega bo‘ladilar. Orqada pleymeyker futbolchi bo‘lishi muhim ahamiyatga ega.

Avval men “o‘ninchi raqam” pozisiyasida o‘ynaganimda, orqamda Matich va Pol bor edi — ular bu ishni ajoyib bajarardi. Ular orqali men ham katta tajriba to‘pladim, chunki aynan ular to‘pni oldinga yetkazib berardi», – dedi Fernandesh klub matbuot xizmatiga bergan intervyusida.

Joriy mavsumda Brunu Fernandesh «Manchester Yunayted» safida barcha musobaqalarda 8 ta o‘yinda maydonga tushdi va 2 ta gol urdi.