«Манчестер Юнайтед» жамоаси сардори ва яримҳимоячиси Бруну Фернандеш ўзининг янги позицияси ҳақида фикр билдирди.
«Энди янги, бироз чуқурроқ позицияда ўйнаб, олдиндаги футболчиларни тўп билан таъминлай оламан. Балки бу ҳар доим голли пас бўлмаса ҳам, аммо чизиқлар орасидаги узатма бўлади — у орқали жамоадошларим ҳужумлар яратиш имконига эга бўладилар. Орқада плеймейкер футболчи бўлиши муҳим аҳамиятга эга.
Аввал мен “ўнинчи рақам” позициясида ўйнаганимда, орқамда Матич ва Поль бор эди — улар бу ишни ажойиб бажарарди. Улар орқали мен ҳам катта тажриба тўпладим, чунки айнан улар тўпни олдинга етказиб берарди», – деди Фернандеш клуб матбуот хизматига берган интервьюсида.
Жорий мавсумда Бруну Фернандеш «Манчестер Юнайтед» сафида барча мусобақаларда 8 та ўйинда майдонга тушди ва 2 та гол урди.













