"Atletiko Madrid" bosh murabbiyi Diyego Simeone Chempionlar Ligasi 3-turi doirasidagi "Arsenal"ga (0:4) qarshi o‘yindan so‘ng jurnalistlar bilan suhbatlashdi.
"Ijobiy tomoni, jamoa birinchi golgacha yaxshi raqobatlashdi, keyin esa yaxshiroq himoyalanishimiz mumkin edi. Ular juda yaxshi o‘ynashadi, ko‘p gol urishadi. Futbolda standartlar qanchalik muhimligini ko‘rish mumkin, ayniqsa, detal natijani belgilashi mumkin bo‘lgan ushbu turnirlarda.
Bu muvaffaqiyatsizlik emas, bu biz yo‘l qo‘ygan xatolar, keyin esa ular samaraliroq va yaxshiroq bo‘ldi, o‘sha davrdagi har bir vaziyat gol bilan yakunlandi. Biz Xulianning vaziyatida 1:0 hisobini qayd etishimiz mumkin edi, ammo bu bizga o‘yin qoldiradigan saboq - o‘yinning alohida lahzalaridagi samaradorlik va tafsilotlar hal qiluvchi ahamiyatga ega va bugun ular bizga qarshi edi.
Hozir ular yaxshiroq, shuning uchun ularni tabriklash, faktni qabul qilish kerak, chunki bu bizga o‘rganish va o‘sishda davom etishga yordam beradi, biz esa buni yaxshi bajaramiz", - dedi Simeone.
Eslatib o‘tamiz, ECHL 3-turidan keyin "Atletiko" hisobida 3 ochko bor.
