"Yuventus" jamoasi bosh murabbiyi Igor Tudor Chempionlar ligasi doirasida "Real" mehmoni bo‘lib, 0:1 hisobida mag‘lubiyatga uchraganidan keyin o‘z fikrlarini bildirib o‘tdi.

"Bu og‘ir. Rejalashtirganimizni amalga oshirdik. O‘ylaymanki, jamoa o‘zini ko‘rsatdi. "Real"ga qarshi "Bernabeu"da qiyin. Ular bosim o‘tkazishadi, sen esa odatdagidan kamroq to‘pga egalik qilasan. Taktik jihatdan, balki biroz yaxshiroq o‘ynashimiz mumkin edi, ammo gap faqat bizda emasdi - "Real" ham o‘ynadi.

Natija muhim, lekin biz o‘yinda bo‘lganimizni his qilyapman. Qo‘limizdan kelganini qildik, ammo bizga imkoniyatni golga aylantiradigan vaziyat yetishmadi. Bu mening jamoam uchun yaxshi sinov. Ehtimol, bu stadionga kelib, g‘alaba qozonishga harakat qilish mumkin bo‘lgan eng qiyin stadiondir. Menimcha, biz biroz ko‘prog‘iga loyiqmiz. Yutqazgan bo‘lsak-da, qanday o‘ynaganimizni tahlil qilsak, kelajak haqida ijobiy hissiyotlarga egaman," - dedi Tudor matbuot anjumanida.

"Yuventus" Chempionlar Ligasining 3 turida atigi 2 ochko jamg‘argan.