"Ювентус" жамоаси бош мураббийи Игор Тудор Чемпионлар лигаси доирасида "Реал" меҳмони бўлиб, 0:1 ҳисобида мағлубиятга учраганидан кейин ўз фикрларини билдириб ўтди.

"Бу оғир. Режалаштирганимизни амалга оширдик. Ўйлайманки, жамоа ўзини кўрсатди. "Реал"га қарши "Бернабеу"да қийин. Улар босим ўтказишади, сен эса одатдагидан камроқ тўпга эгалик қиласан. Тактик жиҳатдан, балки бироз яхшироқ ўйнашимиз мумкин эди, аммо гап фақат бизда эмасди - "Реал" ҳам ўйнади.

Натижа муҳим, лекин биз ўйинда бўлганимизни ҳис қиляпман. Қўлимиздан келганини қилдик, аммо бизга имкониятни голга айлантирадиган вазият етишмади. Бу менинг жамоам учун яхши синов. Эҳтимол, бу стадионга келиб, ғалаба қозонишга ҳаракат қилиш мумкин бўлган энг қийин стадиондир. Менимча, биз бироз кўпроғига лойиқмиз. Ютқазган бўлсак-да, қандай ўйнаганимизни таҳлил қилсак, келажак ҳақида ижобий ҳиссиётларга эгаман," - деди Тудор матбуот анжуманида.

"Ювентус" Чемпионлар Лигасининг 3 турида атиги 2 очко жамғарган.