Fransiyaning "PSJ" klubi qishki transferlar vaqtida himoya chizig‘ini kuchaytirib, iste’dodli va istiqbolli himoyachini o‘z safiga qo‘shib olishni rejalashtirmoqda. Bu haqda "PSJ Inide" va "Diario AS" xabar berdi.
Parij klubi "Nant" safida to‘p tepayotgan 17 yoshli vunderkind Tilel Tati xizmatiga qiziqish bildirmoqda. Fransiyalik himoyachi joriy mavsum chempionatda 7 ta o‘yin o‘tkazib, Ispaniya, Italiya va Angliya grandlari e’tiboriga tushdi.
"PSJ" bosh murabbiyi Luis Enrike Tati Fransiya kubogi yoki chempionat o‘yinlarida asosiy markaziy himoyachilar o‘rnini egallay olishiga ishonmoqda.
Iste’dodli futbolchining "Nant" bilan shartnomasi 2028 yilning iyunigacha mo‘ljallangan va uning transfer narxi olti million yevroni tashkil etadi. Tilelning transferi "PSJ"ga taxminan o‘n million yevroga tushishi kutilmoqda.
Parij klubi murabbiylar shtabi Tatini Lukas Beraldo, Ilya Zabarniy va Uilyam Pachoga raqobatchi bo‘lishiga umid qilmoqda.













