Франциянинг "ПСЖ" клуби қишки трансферлар вақтида ҳимоя чизиғини кучайтириб, истеъдодли ва истиқболли ҳимоячини ўз сафига қўшиб олишни режалаштирмоқда. Бу ҳақда "PSJ Inide" ва "Diario AS" хабар берди.
Париж клуби "Нант" сафида тўп тепаётган 17 ёшли вундеркинд Тилел Тати хизматига қизиқиш билдирмоқда. Франциялик ҳимоячи жорий мавсум чемпионатда 7 та ўйин ўтказиб, Испания, Италия ва Англия грандлари эътиборига тушди.
"ПСЖ" бош мураббийи Луис Энрике Тати Франция кубоги ёки чемпионат ўйинларида асосий марказий ҳимоячилар ўрнини эгаллай олишига ишонмоқда.
Истеъдодли футболчининг "Нант" билан шартномаси 2028 йилнинг июнигача мўлжалланган ва унинг трансфер нархи олти миллион еврони ташкил этади. Тилелнинг трансфери "ПСЖ"га тахминан ўн миллион еврога тушиши кутилмоқда.
Париж клуби мураббийлар штаби Татини Лукас Беральдо, Илья Забарний ва Уильям Пачога рақобатчи бўлишига умид қилмоқда.
