«Manchester Siti» bosh murabbiyi Pep Gvardiola jamoasi hali maksimal darajasiga yetmaganini, ammo unga yaqinlashib kelayotganini ta’kidladi.
«Biz hali cho‘qqiga yetmadik, ammo unga juda yaqinmiz. Jamoaga, kiyinish xonasidagi muhitga va mashg‘ulotlardagi ishga qarab, futbolchilar rejalashtirilgan ishni bajarishga intilayotganini ko‘raman. Shu paytda biz raqiblar uchun yengib bo‘lmaydigan jamoaga aylanishimizni tushunib yetaman. Men aynan shuni xohlayman.
Chempionlik uchun kurashishga yetarlicha kuchli bo‘lamizmi? Buni aniq aytish qiyin. Ammo AQSHda bo‘lib o‘tgan klublar o‘rtasidagi jahon chempionatidanoq men mavsumga katta ishonch bilan qaray boshlaganman», — deya Gvardiolaning so‘zlarini ESPN keltiradi.
«Manchester Siti» Angliya premyer-ligasida 9 ta turdan so‘ng 16 ochko to‘plagan va jadvalda 5-o‘rinni egallab turibdi.













