"Real"ning sobiq futbolchisi Ivan Samorano Madrid klubiga vinger Lamin Yamalni sotib olmasligini ma’lum qildi.
"Yamalni "Real"ga sotib olmagan bo‘lardim. U yulduz, ammo unda "Real" futbolchisida bo‘lishi kerak bo‘lgan mohiyat yoki ruh yo‘q. "Real" - saviya va madaniyatga ega jamoa, uning futbolchilari buni ko‘rsata olishlari kerak. Men hech qachon Messining "Real" o‘g‘rilik qilyapti, deganini eshitmaganman - axir u dunyodagi eng zo‘ri edi", - dedi Samorano.
Eslatib o‘tamiz, yaqinda bo‘lib o‘tgan "el klasiko" oldidan Yamaldan "Real"ni Ispaniya Medialigasi jamoasi bilan taqqoslashni so‘rashgan va futbolchi "ular o‘g‘irlashadi va shikoyat qilishadi" degan o‘xshashliklar borligini aytgandi.
