"Реал"нинг собиқ футболчиси Иван Саморано Мадрид клубига вингер Ламин Ямални сотиб олмаслигини маълум қилди.
"Ямални "Реал"га сотиб олмаган бўлардим. У юлдуз, аммо унда "Реал" футболчисида бўлиши керак бўлган моҳият ёки руҳ йўқ. "Реал" - савия ва маданиятга эга жамоа, унинг футболчилари буни кўрсата олишлари керак. Мен ҳеч қачон Мессининг "Реал" ўғрилик қиляпти, деганини эшитмаганман - ахир у дунёдаги энг зўри эди", - деди Саморано.
Эслатиб ўтамиз, яқинда бўлиб ўтган "эл класико" олдидан Ямалдан "Реал"ни Испания Медиалигаси жамоаси билан таққослашни сўрашган ва футболчи "улар ўғирлашади ва шикоят қилишади" деган ўхшашликлар борлигини айтганди.
