Angliyaning "Aston Villa" klubi bosh murabbiyi Unai Emeri Yevropa ligasi umumiy bosqichi 4-turidan o‘rin olgan Isroilning "Makkabi" klubi bilan o‘yindagi g‘alabaga (2:0) munosabat bildirdi.
"Men juda xursandman, chunki bizda turnir jadvalida uch ochko ko‘proq. Yevropada o‘tkazgan so‘nggi o‘yinda yutqazganimizdan keyin biroz xafa bo‘ldik va bu turnirda qanday qiyinchiliklarga duch kelishimizni tushundik.
Bu yerda, "Villa Park"da muxlislarimiz bilan birga o‘zimizni kuchli his qilishimiz va umuman o‘yinda, himoyada ham, hujumda ham ustunlik qilishga harakat qilishimiz, ularni to‘xtatishga urinishimiz, ko‘p vaziyatlarni qo‘ldan boy bermaslikka harakat qilishimiz muhim edi.
Biz rejalashtirganimizdan ko‘proq narsani o‘tkazib yubordik, chunki bu turnirning har bir o‘yinida biz syurprizlarni ko‘rishimiz va boshqa jamoalarning turnir jadvalida qanday kurashayotganini, ular qanday qilib asosiy qahramon bo‘lishni xohlayotganini ko‘rishimiz mumkin. Bu juda murakkab ekanligini tushunishimiz kerak. To‘rtta o‘yindan so‘ng to‘qqiz ochko jamg‘arganimiz fantastika, ammo keyingi o‘yinlarga diqqatimizni jamlab, raqibni hurmat qilgan holda, "Makkabi" bilan bo‘lgani kabi musobaqani hurmat qilgan holda tayyorlanamiz", - deya Emerining so‘zlarini keltiradi "Aston Villa" rasmiy sayti.
