Dunyoning oltinchi raketkasi bo‘lib turgan Ribakina 1/2 finalda WTA reytingida o‘zidan bir pog‘ona yuqorida borayotgan amerikalik Jessika Pegulani uch set natijasiga ko‘ra irodali tarzda mag‘lubiyatga uchratdi - 4/6, 6/4, 6/3. Yelena bu g‘alabasi bilan tennischilarning o‘zaro uchrashuvlaridagi hisob muvozanatini ham tiklab qo‘ydi - 3:3. 

Ikki soatu yetti daqiqa davom etgan bahsda Ribakina 15, Pegula esa 1 tagina eys zarbasini amalga oshirdi. Qo‘shxatolar 5 ga 1 ko‘rinishida Yelena "foydasi"ga bo‘ldi. Breyklar bo‘yicha ham aynan g‘olib tennischi ustunlik qildi - 5 ga 4. Ribakina faoliyatida ilk bor WTA Finals bosh sovrini uchun kortga chiqadi.