"Everton" sardori Jeyms Tarkovski Angliya chempionatining 11-turidan o‘rin olgan "Fulxem"ga qarshi o‘yindan so‘ng o‘z fikrlarini bildirib o‘tdi.
Uchrashuv 8 noyabr kuni bo‘lib o‘tdi va 2:0 hisobida "Everton" foydasiga hal bo‘ldi.
"To‘g‘risini aytsam, biz juda yaxshi o‘ynadik va o‘yinning katta qismida ustunlik qildik. Nihoyat, darvozamiz daxlsizligini saqlay oldik. So‘nggi paytlarda bir-ikki noqulay gollarni o‘tkazib yuborayotgandik. Hozircha bu yerda [yangi stadionda] ko‘rsatkichlarimiz yomon emas. Bu ajoyib stadion va bu yerdagi atmosfera haqiqatan ham yaxshi," - dedi futbolchi o‘yindan so‘ng.
"Everton" hisobidagi ochkolar soni 15 taga etdi va jamoa APL jadvalida 11-o‘rinda bormoqda.













