"Эвертон" сардори Жеймс Тарковски Англия чемпионатининг 11-туридан ўрин олган "Фулхэм"га қарши ўйиндан сўнг ўз фикрларини билдириб ўтди.
Учрашув 8 ноябрь куни бўлиб ўтди ва 2:0 ҳисобида "Эвертон" фойдасига ҳал бўлди.
"Тўғрисини айтсам, биз жуда яхши ўйнадик ва ўйиннинг катта қисмида устунлик қилдик. Ниҳоят, дарвозамиз дахлсизлигини сақлай олдик. Сўнгги пайтларда бир-икки ноқулай голларни ўтказиб юбораётгандик. Ҳозирча бу ерда [янги стадионда] кўрсаткичларимиз ёмон эмас. Бу ажойиб стадион ва бу ердаги атмосфера ҳақиқатан ҳам яхши," - деди футболчи ўйиндан сўнг.
"Эвертон" ҳисобидаги очколар сони 15 тага этди ва жамоа АПЛ жадвалида 11-ўринда бормоқда.
