"Manchester Siti" hujumchisi Jeremi Doku Angliya Premyer-ligasining 11-turidan o‘rin olgan "Liverpul"ga (3:0) qarshi o‘yindan so‘ng o‘z hissiyotlari bilan o‘rtoqlashdi.
- Katta o‘yinlarda barcha e’tibor senga qaratiladi, shuning uchun bunday o‘yinlar muhim. Men o‘z o‘yinimdan ham, jamoa o‘yinidan ham mamnunman. Bu ishonch qo‘shadi," - dedi futbolchi bahsdan so‘ng.
"Manchester Siti" hisobida 22 ochko mavjud bo‘lib, Angliya chempionati turnir jadvalida 2-o‘rinda bormoqda. APL peshqadami esa 4 ochko ko‘proq jamg‘argan Londonning "Arsenal" klubi hisoblanadi.
