"Manchester Yunayted" sobiq himoyachisi Rio Ferdinand jamoaning hozirgi natijalarida eng katta hissa qo‘shayotgan futbolchilar kimligini aytdi.

"Hozirda bitta eng muhim o‘yinchini ajratib ko‘rsatish qiyin, deb o‘ylayman. Matteys de Ligt bu mavsumda eng yaxshi himoyachimiz bo‘lib turibdi, u nafaqat ishonchli, balki muhim gollar urib, samaradorlik ham oshirdi. Brayan Mbeumo esa ajoyib o‘yinchi.

U hujumda haqiqiy yetakchiga aylandi, to‘pni nazorat qila oladi, vaziyat yaratadi va o‘zi ham gol uradi. Albatta, darvozabonni ham ta’kidlash kerak - usiz jamoaning muvaffaqiyati haqida gapirish mumkin emas. U kelgandan so‘ng jamoada ishonch paydo bo‘ldi, o‘yinchilar unga ishonadi va buni natijalardan darhol ko‘rish mumkin," dedi Ferdinand.