Portugaliya terma jamoasi hujumchisi Krishtianu Ronaldu AQSH, Kanada va Meksikada bo‘lib o‘tadigan 2026 yilgi jahon chempioni uning uchun oxirgisi bo‘lishini aytdi.
"Keyingi jahon chempionati men uchun oxirgisi bo‘ladimi? Albatta, bu haqiqat, chunki men 41 yoshga to‘laman. Avval aytganimdek, bu lahzalardan zavqlanyapman," - deya Ronalduning Saudiya Arabistonidagi TOURISE sayyohlik forumidagi intervyusidan iqtibos keltiradi Mundo Deportivo nashri,
Krishtianu Ronaldu 2003 yilning avgustidan beri Portugaliya terma jamoasida o‘ynab kelmoqda. U terma jamoa safida jami 225 ta o‘yin o‘tkazib, 143 ta gol va 46 ta golli uzatmani amalga oshirgan.
