"Barselona" hujumchisi Rafinya Dias hali ham "Oltin to‘p" uchun kurashish imkoniyatiga ega bo‘lishiga ishonadi.
"Kelajakda "Oltin to‘p"ni yutib olish imkoniyatiga ega bo‘laman deb o‘ylayman. Futbol davrlarga to‘la va menimcha, yangi maqsadlarga erishish uchun hali ko‘p yillar oldinda. Men beshinchi o‘rinni motivasiya sifatida ko‘raman. Men o‘z salohiyatimni bilaman", - deya Rafinyaning so‘zlarini keltiradi GQ.
Bu mavsumda 28 yoshli braziliyalik barcha musobaqalarda yettita o‘yinda maydonga tushib, uchta gol urdi va ikkita golli uzatmani amalga oshirdi.













